Аудан әкімі тұрғындарды жеке мәселелері бойынша қабылдады

Қабылдау барысында аудан басшысы тұрғындардың арыз-шағымдары мен өтініштерін тыңдап, сауалдарына нақты жауап берді.

Қабылдауға келушілердің басым көпшілігі тұрақты жұмыс сұраушылар болды. Сондай-ақ, тұрғын үй салу үшін жер алу мен қоғамдық көлік мәселесі де көтерілді. Одан бөлек, жеке мәселелерін жеткізгендер де болды.

Тұрғындардың өтiнiштерiн мұқият тыңдаған Мұхтар Әуесұлы азаматтардың тарапынан айтылған мәселелердiң заңдылығына сәйкес, оңтайлы шешiмiн табуы үшiн тиiстi жұмыстар жүргізілетіндігін жеткізіп, сала басшыларына тапсырмалар жүктеді.