Кезекті құқықтық оқу өтті
Аудан әкімі аппаратының басшысы, Әдеп жөніндегі уәкіл Ринад Тілептің төрағалығымен құқықтық оқыту өткізілді. Аталған жиында күн тәртібіндегі 2 мәселе қаралды.Ең алдымен тұрғын үй қатынастары, автомобиль жолдары және ҚР заңдарының қолданылуы және көрсетілген мемлекеттік қызметтер туралы аудандық тұрғын үй коммуналдық шаруашылығы, жолаушылар көлігі және автомобиль жолдары бөлімінің басшысы Мұрат Әбсұлтанов баяндады.
Мұнан соң “ҚР сәулет, қала құрылысы және құрылыс қызметі” мен ҚР заңының қолданылуы және көрсетілген мемлекеттік қызметтер туралы аудандық құрылыс, сәулет және қала құрылысы бөлімінің сектор меңгерушісі Жомарт Сарабеков айтып өтті.
Басқосу барысында қатысушылар хабарламашыларға күн тәртібіндегі мәселелерге байланысты өз сауалдарын жолдап, тұщымды жауаптарын алды.
Жиын соңында қатысушылардың ұсыныс-пікірлері тыңдалып, жауапты мамандарға тиісті тапсырмалар жүктелді.
"ҚАЗАЛЫ" ақпарат
