Қазалы Qazaly.kz ақпараттық агенттігі
» » Үш жаңа облыс құрылуына байланысты еліміздің жаңа картасы жасалды

Үш жаңа облыс құрылуына байланысты еліміздің жаңа картасы жасалды

Қазақстанның саяси-әкімшілік картасы әзірленді. Бұл туралы Цифрлық даму, инновациялар және аэроғарыш өнеркәсібі вице-министрі Әсет Тұрысов айтты, деп хабарлайды inform.kz.
«Өткен жылы Мемлекет басшысының жарлығымен жаңа үш өңір – Абай, Жетісу және Ұлытау облыстары құрылды. Осыған орай Үкімет іс-шара жоспарын бекітіп, ондағы тармақтардың бірі - Қазақстан Республикасының саяси картасын және жаңа облыстардың тақырыптық картасын өзектендіру болды», - деді вице-министр орталық коммуникациялар қызметі алаңында өткен баспасөз мәслихатында.
Оның атап өтуінше, бұл бағытта қыруар жұмыс істелген.
«Әріптестеріміз үлкен жұмыс атқарып, 1:1 500 000 масштабымен Қазақстанның саяси-әкімшілік картасын жасады. Қарағанды, Шығыс Қазақстан, Алматы облыстарының картасы жаңартылып, 1 млн масштабпен Абай, Ұлытау және Жетісу облыстарының картасы әзірленді. Сонымен қатар 1:25 000 масштабпен Қарағанды, Семей, Өскемен қалаларының, 1:10 000 масштабпен Жезқазған, Қонаев, Талдықорған қалаларының жоспар-сызбасы жаңартылды және жасалды», - деді Әсет Тұрысов.

19 мамыр 2023 ж. 188 0

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031