Тәлімді тренинг өтті
Қазалы аграрлы-техникалық колледжінде 15 мамыр – Халықаралық отбасы күніне орай отбасындағы ата-ана мен бала арасындағы қарым- қатынасты үйлесімді ету, сүйіспеншілікті сезіндіру мақсатында ерекше білім беруді қажет ететін білім алушылар мен олардың ата-аналары, психолог мамандарымен «Отбасы жылуы – бала бақыты» атты семинар-тренинг өтті.Шараны колледж директорының тәрбие жұмыстары жөніндегі орынбасары Г.Жаңылова ашып, маңызды кездесудің мақсатыме нтаныстырды.
Тренинг барысында «Ана туралы ғибратты әңгімелер» тақырыбында бейнеролик көрсетіліп, колледж педагог-психологы Е.Баекеев «Сәлемдесу» тренингі мен «Тұз» терапиясын жасады. Сондай-ақ ата-аналар «Бала тәрбиесіндегі отбасының рөлі» тақырыбында талдау жасап, әр ата-ана өз баласының бойындағы үш жақсы қасиетті атап өтті.
Семинар-тренингке қатысушылар төрт топқа бөлініп, жеребе бойынша берілген тапсырмаларды бәрі бірлесе орындады. Қазалы қалалық емхана психологы Ж.Сағымбай ата-аналарға бала тәрбиесіне қатысты кеңестерді айтып, біршама дүниеден құдағдар етті.
Гүлназ ТАҢАТОВА,
Қазалы аграрлы – техникалық колледжінің
әлеуметтік педагогы
