Сіздерді 9 мамыр – Жеңіс күнімен шын жүректен құттықтаймын!

Биыл тарихта таңбаланып аты қалған Ұлы Отан соғысының жеңіспен аяқталғанына 78 жыл толды.

Бар әлемді дүр сілкіндіріп, жер ананы қанға бояп, асыл аналардың көзінің жасын құрғатпай, ананы баладан, баланы әкеден, қыз-келіншектерді аяулы жары мен сүйіктісінен айырған сұм соғыстың аяқталғанына жарты ғасырдан астам уақыт өтсе де, бүгінгі ұрпақ оның мән-маңызын жете түсінеді. Өйткені, бізге дәл қазіргі тыныштық пен бейбіт өмір оңай келген жоқ.

Біз бейбіт өміріміз бен бостандығымыз үшін күрескен ардагерлердің, тыл еңбеккерлерінің, әкелеріміз бен аналарымыздың, аталарымыз бен бабаларымыздың алдында басымызды иеміз.

Майданда өліммен бетпе-бет келіп, жеңіске жеткен, тылда күн-түн демей еңбек етіп, соғыс ауыртпалығын бөліскен сол бір аяулы жандар қатары, өкінішке қарай, уақыт өткен сайын азайып барады. Бұл күнде отты жылдардың куәгері болған Қабақ Смағұл мен Тілеуберген Тобабергенов ғана қалды.

Жеңіс пен бейбітшілікке лайықты ұрпақ бола білу, қол жеткен жетістіктердің бағасын біліп, оны еселей түсу – біздің басты міндетіміз.

Ардақты ағайын!

Халқымыздың шексіз қаһармандығы мен мұқалмас қажыр-қайратының ерен үлгісі болған Жеңістің 78 жылдығы тағы да құтты болсын!

Баршаңызға зор денсаулық, ұзақ ғұмыр, шаңырақтарыңызға шаттық пен бақыт тілеймін! Тәуелсіздігіміз тұғырлы болғай!