Шаруа қожалық өкілдерінің ұсыныстары тыңдалды
Өткен жылдың маусым айында «AMANAT» партиясының жанынан «Жер аманаты» комиссиясы құрылды. Комиссия мақсаты – пайдаланылмай бос жатқан және заңсыз бөлінген ауыл шаруашылығы мақсатындағы жерлерді мемлекет меншігіне қайтару. Мәселен, бүгінде еліміз бойынша 5 миллион гектар жер мемлекет меншігіне қайтарылса, оның нақты 3 миллион гектары «Жер аманаты» комиссиясының тікелей араласуымен іске асып отыр.Бүгін аудандық партия филиалының мәжіліс залында ауыл шаруашылығы саласы өкілдерімен және тиісті сала мамандарының қатысуымен «Жер аманаты» жобасы аясында отырыс өткізілді. Жиын барысында аудандық жер қатынастары және ауыл шаруашылығы бөлімінің бас маманы Мереке Ысқақов «Жер аманаты» комиссиясының негізгі мақсатына тоқталып, жоба аясында аудан көлемінде атқарылған жұмыстарға тоқталып өтті.
Мұнан соң өз кезегінде сөз алған шаруа қожалық өкілдері жайылымдық жер, ауыл шаруашылығы жерін ұлғайту сынды тақырып төңірегінде түрлі сұрақтарына жауап алып, ұсыныстарымен бөлісті.
