Мәселен, бүгінде еліміз бойынша 5 миллион гектар жер мемлекет меншігіне қайтарылса, оның нақты 3 миллион гектары «Жер аманаты» комиссиясының тікелей араласуымен іске асып отыр.

Осы орайда бүгін аудандық филиал жанындағы партиялық бақылау комиссиясының отырысы өткізілді. Отырысты аудандық филиал жанындағы партиялық бақылау комиссиясының төрағасы Әліш Ғазиз Әлмамбетұлы ашып, жүргізді. Күн тәртібіне қойылған «Жер аманаты» жобасын іске асыру шеңберінде пайдаланылмайтын және заңсыз сатып алынған ауыл шаруашылығы мақсатындағы жерлерді мемлекет меншігіне қайтару мәселесі туралы аудандық жер қатынастары бөлімінің басшысы Еркін Нұржаубайұлының хабарламасы тыңдалды. Қазіргі таңда, аудан көлемінде жыл басынан бері 16867 гектар болатын 26 жер учаскесі мемлекет меншігіне қайтарылды. Бұдан бөлек, ағымдағы жылы мерзімі аяқталатын 23 жер учаскесі бойынша 4770,0 гектар жер анықталып, 700,0 гектар болатын 2 жер учаскесі бір жақты бұзу шартымен мемлекет меншігіне қайтарылғанын атап өтті.

Айта кетейік, отырысқа комиссия мүшелері Н.Жалғасбаев, Ә.Сарабеков, Е.Мұқаш, К.Әбілов, Д.Айтмамбет қатысты.