Қазалы Qazaly.kz ақпараттық агенттігі
» » Қазақстанда мектеп бағдарламалары жаңартылады

Қазақстанда мектеп бағдарламалары жаңартылады

Елімізде мектеп бағдарламалары жаңартылады. Бұл туралы Оқу-ағарту министрлігінің кеңейтілген алқа отырысында ведомство басшысы Ғани Бейсембаев айтты, деп хабарлайды Azattyq Ruhy.

«2016 жылдан 2021 жылға дейін мектептер жаңартылған бағдарламаларға көшті. Критериалды бағалау жүйесі енгізілді. Бұл өте маңызды үрдіс болды. Дегенмен мониторингтік зерттеулерге сәйкес, жекелеген пәндер бойынша оқу бағдарламалары жетілдіруді қажет етеді», - деп айтты Бейсембаев.
Осыған орай, Оқу-ағарту министрі ведомство мектеп бағдарламаларын жаңғырту жұмысын бастағанына тоқталды.
«Қазір жұмыс тобы құрылды, жаңа мемлекеттік стандарттар мен оқу бағдарламалары әзірленіп жатыр. Өздеріңіз білетіндей, былтырғы оқу жылынан бастап қазақ тілінде оқытатын сыныптарда 1-сыныптан тек қазақ тілін оқытуды енгіздік. Орыс тілі 2-сыныптан бастап, ал ағылшын тілін оқыту 3-сыныптан бастап оқытылады. Орыс тілінде оқытатын сыныптарда қазақ және орыс тілдері жүргізіледі», - деп айтты ол кеңейтілген алқа отырысында.
Ғани Бейсембаевтың айтуынша, Мемлекет басшысының тапсырмасы бойынша жоғары сыныптарда жаратылыстану-математикалық цикл пәндерін оқыту талаптары күшейтілді және 5-11 сыныптар үшін өмірлік қажетті бағыттарды игеру бойынша «Жаһандық құзыреттілік» курсы, бастауыш сыныптарда шахмат бойынша факультатив енгізілді.
12 қаңтар 2023 ж. 322 0

Тағы да TIK TOK...

18 маусым 2024 ж. 26

Ғани туған топырақ

18 маусым 2024 ж. 14

Нар тұлғалы нөсер батыр

18 маусым 2024 ж. 14

Жаңалықтар мұрағаты

«    Маусым 2024    »
ДсСсСрБсЖмСбЖс
 12
3456789
10111213141516
17181920212223
24252627282930