Дауыс беру үшін инватакси қызметі жұмыс жасауда
Қазалы ауданында сайлау учаскелері орналасқан ғимараттар стандартқа сәйкес пандустармен толық қамтылып, барлығы да бірінші қабатта орналасқан.Аудан бойынша кресло-арбамен жүретін мүмкіндігі шектеулі азаматтардың сайлау учаскелеріне келуіне қолайлы жағдай жасау үшін 3 инватакси қызмет көрсетуде.
Өз учаскесіне барып дауыс беру үшін инватакси қызметін пайдаланғандардың бірі І топ мүгедегі Серікболсын Шайықов. Ол бүгін инватакси арқылы аудандық оқушылар үйінде орналасқан №56 сайлау учаскесіне өзінің жұбайы Дана Сапиолламен бірге барып, өз таңдауын жасады.
Айта кетейік, дауыс беру құқығына ие мүмкіндігі шектеулі жандардың сайлау барысында дауыс беруін қамтамасыз ету үшін жеке көмекшілері қызмет көрсетуде.
#Қазалы
