Дұрыс таңдау – болашақ кепілі
Санаулы күндер ғана қалған, кезектен тыс Президенттік сайлау еліміздің ертеңі-болашағын шешетін сындарлы сайлау болғалы тұр. Бір реттік өкілеттілікпен 7 жылға сайланатын үміткер-адам Қазақстанымыздың келешегін жасайтын – адам. Ол адам Қазақ Елін жаңартып, жаңғыртуымен бірге күшті де, бай-қуатты елге айналуының, соған жетуінің осы кезден негізін қалайтын, халқының – әр қазақтың бақыты үшін күресетін, қандай қиындық болса да, Елді тығырықтан алып шыға алатын қайыспас қара нар, күш-жігері мықты адам болуы шарт. Сол адам келешегіміздің кепілі болмақ.Бір адамдай, қарашаның 20-шы жұлдызында сайлау учаскесіне келіп, сондай жүректі жанға дауыс беруіміз керек.
Қоғамның байлығы – адам дейтін болсақ, ең бірінші, сол адамның денсаулық жағдайы мықты болуы керек. Әлеуметтік-тұрмыстық жағдайымен бірге басты байлық денсаулығын ойлайтын, мемлекетімізді заманауй ғылыммен өркениетке жетелейтін үміткерді таңдап, дауыс беруге шақырамын.
Алмагүл САРЫ,
аға мейіркеш
