Ұрпақ тәрбиесі – ұлағатты іс

Соған сәйкес жуырда Ы.Алтынсарин атындағы №204 орта мектепте «Рухани құндылықтар және ұрпақ тәрбиесі» атты шара өтті. Жиынға ата-аналар мен мектептің жоғары сынып оқушылары арнайы қатысты. Басқосуда көрсетілген тақырыпты басты назарға ала отырып, баяндама жасалды.

Ықылым заманнан ел ауызында жүрген «Бала тәрбиесі – мемлекеттің маңызды міндеті» деген сөздің маңызы тереңде. Өйткені ұрпақ тағдыры дегеніміз – қай заманда да ұлт тағдыры. Әрбір қоғамның дамуына байланысты бұл мәселе әрқалай шешілуде. Бүгінгі тәжірибемізде жастарға адамгершілік-рухани құндылықтардың даму жолдарын айқындап беру өзекті болып отыр.

Білім беру ұйымдарының алдындағы негізгі мақсат – жастардың бойында жалпыадамзаттық құндылықтарды дамытып, қалыптастыру жолдарын ғылыми және практикалық тұрғыда зерттеу әрі оның әдістемесін жасау десек қателеспейміз. Білім беру жүйесінде тәрбиенің оқытудан басымдылығы және шын мәнісінде, тәрбиені оқытудың құрамдасы ретінде енгізу, адам бойындағы рухани құндылықтарды қалыптастыру, оны тәжірибеде қолдану қағидалары қарастырылады.

Түйіндей келе, адамгершілік тәрбиесі – бұл адамның туғаннан басталатын және өмір бойы жалғасатын, адамдардың мінез-құлық нормаларын игеруіне бағытталған үздіксіз үрдіс. Оның мазмұны оқушының жеке тұлғалық қасиеттерінің қалыптасу шеңберінде дамиды. Сондықтан оқу – тәрбие жұмысын ұйымдастыруда оқушылардың жеке тұлғалық ерекшеліктерін ескеру маңызды орын алмақ.

Қанат ӘБІШОВ,
Ы.Алтынсарин атындағы
№204 орта мектептің
тәрбие ісі жөніндегі орынбасары