“Қазалы” құрамасы күміс қанжығалады
Қазалы ауданының қазақ руханиятындағы орны көпшілікке мәлім. Соңғы жылдары жалын жүректі жастарының қайырымды істері мен жоғары жетістіктері де көңіл қуантып жүр.Соның бір дәлелі күні кеше қазалылық жас жайдарманшылар республикалық жоғары лига ойындарының финалында өнер көрсетіп, жүлделі II орынды иеленді.
– 26 командамен бастау алған жоғары лига ойындарының ақтық кезеңі өз мәресіне жетті. Қазалы үздік үштікке енді. Бұл ауданның ортақ жеңісі деп санаймыз. Жыл бойы шығармашыл жастарды қолдап, республикалық деңгейде өнер көрсетуге мүмкіндік жасаған аудан әкімі Мұхтар Оразбаевқа, команда капитаны Әліби Басаровқа, Дәурен Тілеумбетов, Асылхан Дәрібаев, Ринат Тілеп, Қайрат Әбубәкіровке, сонымен қатар барша тілектес болған, жанашырлық жасаған ағаларымызға команда атынан ерекше алғысымызды білдіреміз, – дейді «Қазалы» командасының ойыншысы, қалалық Жастар ресурстық орталығының директоры Руслан Қайырбай.
Біз де өз кезегімізде аудан абыройын асқақтатып жүрген Қазалы құрамасын шын жүректен құттықтаймыз!
«ҚАЗАЛЫ» ақпарат
