6-74 жас аралығындағы қазақстандықтардың 92,9% -і интернет қолданады
6–74 жас аралығындағы 10 қазақстандықтың 9-ы интернетке қосылған компьютер немесе гаджетті пайдаланады."2021 жылы 6-74 жас аралығындағы жалпы халық санында ақпараттық-коммуникациялық технологияларды пайдаланушылар үлесі 92,9% - ға жетті. 2020 жылы бұл көрсеткіш 88,2% болса, 2016 жылы 78,8% -ды құраған болатын", деп жазады energyprom.kz.
Портал мәліметінше, қазақстандықтардың өмірін жеңілдететін кез-келген цифрлық шешімдер елді сапалы интернет байланысымен қамту деңгейін арттырумен бірге өзекті болып отыр. Speedtest.net деректері бойынша Қазақстанда тұңғыш рет мобильді интернеттің орташа жылдамдығы желіден жүктеп алуда 38,3 Мбит/с және интернетке жүктеп салуда 13,2 Мбит/с жетті.
Өз кезегінде, мобильді операторлардың wi-fi арқылы таратылатын интернетінен жүктеп алу жылдамдығы 72,6 Мбит/с және желіге ақпаратты жүктеп салу жылдамдығы 69,8 Мбит/с болып, рекордтық көрсеткішке жетті.
Мұндай жағдайларда цифрлық сервистердің көбеюі және кез келген қызметтерді онлайн алу мүмкіндіктерін кеңейту — банктік өнімдер, жылжымайтын мүлік сатып алу, Мемлекеттік қызметтер - қоғамның үйлесімді дамуы үшін өзекті бола берері сөзсіз.
