Маңызды 5 секторға басымдық берілмек
Президент Қасым-Жомарт Тоқаев 1 қыркүйек күні Конституцияға сай Қазақстан халқына өз Жолдауын жариялады. Жолдаудағы ірі басымдықтардың бірі – Жаңа Қазақстанның басты бес бағыты: жаңа экономикалық саясат, экономиканың нақты секторын дамыту, ел болашағына арналған стратегиялық инвестиция, мемлекеттік басқару ісін қайта жаңғырту, заң мен тәртіпке ерекше басымдық беру.Бұл басымдықтар – Жаңа Қазақстанның бес тұғыры. Президент 2025 жылға дейін жергілікті жолдардың басым бөлігін қалпына келтіру жөнінде тапсырма беріп, Үкіметке бұл мәселені тікелей бақылауға алуын сұрады. Ұлттық қордың жыл сайынғы инвестициялық табысының 50%-ын балалардың арнаулы жинақтаушы есепшотына аударуды айтты. Әйелдердің зейнет жасын 61 жасқа төмендейтінін және төменгі жалақы мөлшерін арттыру жөнінде тапсырмалар берді.Сондай-ақ Президент биылғы 1 қыркүйекке дейін елге әкелінген автокөліктерге кәдеге жарату салымы 200-250 мың теңгеден аспайтынын айтты. Және жыл соңына дейін игерілмей жатқан 5 млн гектар жер мемлекет меншігіне қайтарылатынын жеткізді. Сонымен қатар биыл күзде кезектен тыс Президент сайлауы өтетінін және Президент мандатының ұзақтығын 7 жылдық 1 мерзіммен шектеуді ұсынды.
Мемлекет басшысының өзекті мәселелерді қамтыған жолдауына баршамыз қолдау білдіретін боламыз.#Жолдау2022
