Тоқаев 2028 жылға дейін әйелдердің зейнет жасы 61 жас болып бекітілетінін айтты
Мемлекет басшысы Қасым-Жомарт Тоқаев үкімет ең төменгі жалақыны анықтаудың жаңа әдістемесін енгізетінін және соның негізінде оның мөлшері біртіндеп ұлғаятынын айтты. Тоқаев сонымен қатар зейнетақы жүйесіне жаңашылдық қажет екенін атап өтті, деп хабарлайды Stan.kz ақпарат агенттігі."Мен ең төменгі жалақыны 60-тан 70 мың теңгеге көтеруге шешім қабылдадым. Бұл 1,8 миллион азаматтың кірісіне тікелей әсер етеді.
Ең төменгі базалық зейнетақы мөлшерлемесін ең төменгі күнкөріс деңгейінің 70%-ына, ал ең жоғарысын 120%-ға дейін дәйекті түрде жеткізу қажет. Бұрын қабылданған шешімдермен бірге бұл 2025 жылға қарай жалпы зейнетақыны орта есеппен 27%-ға арттыруға мүмкіндік береді", – деп қосты президент.
Тоқаев сондай-ақ әйелдердің зейнетке шығу жасын 2028 жылға дейін 61 жас болып бекітілетінін айтты. Бірыңғай жинақтаушы зейнетақы қорының тиімді инвестициялық стратегиясын әзірлеу қажет, деп қосты мемлекет басшысы.
