Алкоголь өнімдерін лицензиясыз сатқаны үшін жауапқа тартылды

Қазалы аудандық сотында Қазақстан Республикасы ӘҚБтК-нің 463-бабының 1-бөлігімен азамат Т.-ға қатысты әкімшілік іс қаралды.

Іс материалы бойынша, 2018 жылғы 05 сәуірінде жүргізілген жоспардан тыс тақырыптық тексеру кезінде, жеке кәсіпкер Т. алкоголь өнімдерін сатуға лицензия болмағанына қарамастан Әйтеке би кентіндегі "Димаш" дүкенінде 24 шыны сыра сатқаны анықталған.

Сот отырысында Т. кінәсін толық мойындап, алкоголь өнімдерін арнаулы лицензиясыз дүкенде сатқанын айтып, келешекте мұндай бұзақылыққа жол бермейтінін түсіндірді.

Сот қаулысымен құқық бұзушы Т. Қазақстан Республикасының ӘҚБтК-нің 463-бабының 1-бөлігімен кінәлі деп танылып, алкоголь өнімдері тәркілене отырып, оған 42 088 теңге көлемінде айыппұл салынды.

Қаулы заңды күшіне енбеген.