ҰБТ-ға қатысушылардың 67 пайызы шекті балды жинады
Биыл 103 мыңнан астам талапкер шекті балды жинаған. Бұл тестілеуге қатысушылардың 67 пайызын құрап отыр. 2021 жылмен салыстырғанда бұл көрсеткіш 7%-ға өскендігін "Ұлттық тестілеу орталығының" директоры Руслан Емелбаев орталық коммуникациялар қызметінде өткен брифингте мәлімдеді.ҰБТ-ға қатысушылардың 67 пайызы шекті балды жинады. "Тестке қатысушылардың 51 мыңға жуығы, яғни 33 пайызы шекті балл жинай алмады. ҰБТ-ның орташа балы биыл 66 балды құрады. Ең жоғары көрсеткіш – 139 балл. 3179 оқушы 120 балдан жоғары жинады. Электронды форматқа көшкеннен бері апеляция беру рәсімі де жеңілдеген болатын. Бұны да ерекше атап өту керек. Тестіленуші емтиханды аяқтағаннан кейін 30 минут ішінде апеляцияға бере алады. Нәтижесінде, биыл 50 мыңнан астам өтініш келіп түсті. Оның ішінде 318 түлектің өтініші қанағаттандырылды", – деп атап өтті Руслан Емелбаев.
Айта кетейік, биыл талапкерлердің 76 пайызына жуығы қазақ тілінде, 24 пайызы орыс тілінде және 213 оқушы ағылшын тілінде тест тапсырған.
