Қазалы аудандық сотында көші-қон полиция тобының инспекторларымен семинар өтті

Қазалы аудандық сотында ««Шетелдіктер мен азаматтығы жоқ тұлғалардың көші-қон саласындағы заңнаманы бұзу» атты тақырыпта семинар сабағы өткізілді. Семинар сабағына судья Д.Әбдіхалықов және көші-қон полиция тобының инспекторлары қатысты.

Жиында ашқан судья Д.Әбдіхалықов семинарды өткізудегі басты мақсат ‒ халықтың көші-қон саласындағы заңнаманы бұзуына қатысты әкімшілік істерді қарау барысында жаза қолдану практикасын бір жүйеге келтіру мен осындай істерді қарау ерекшеліктерін талқылау болып табылатынын атап өтті.

Семинар сабағында Қазақстан Республикасының аумағы арқылы транзиттік жол жүру қағидаларын сақтамай, Қазақстан Республикасының халықтың көші-қоны саласындағы заңнамасын бұзған шетелдіктерді ҚР ӘҚБтК-нің 517 -бабы 2-бөлігімен көзделген жауапкершілікке тарту мәселесі талқыланды.

Шара қорытындысында қатысушылар әкімшілік істерді қарау барысында көші-қон аясындағы туындайтын проблемалық сұрақтарды талқылап, өзара пікір алмасты.