«Төрелік» ақпараттық жүйесін қолдану бойынша семинар сабағы өткізілді

Қазалы аудандық сотында «Төрелік» ақпараттық жүйесінің жұмысы» тақырыбында семинар сабағы өткізілді. Семинар сабағына сот кеңсесінің мамандары қатысты.

Семинар барысында сот мамандарына «Төрелік» ақпараттық жүйесінің жұмыс тәртібі, кіріс, шығыс және ішкі хат-хабарларды жолдау, істерді тіркеу, істер бойынша электронды карточкаларды толтыру тәртібі туралы кеңінен түсіндірілді.

Сонымен қатар, кеңсе меңгерушісі Б.Махамбетали сот жүйесіне енгізілген «Төрелік» жүйесі арқылы статистикалық есептерді қалыптастыруға, іс жүргізу мен сот ісін жүргізуді оңайлатуға мүмкіндік беретенін айтты.

Шара соңында семинарға қатысушылар өзара пікір алмасып, туындаған сұрақтар бойынша түсініктер берілді.