Игі ісіңіз өркендесін
Алматы қаласының тұрғыны, Қазақстан Жазушылар Одағының мүшесі, жерлес ағамыз Молдахмет Қаназға!Жазушылық жолындағы жемісті еңбегіңіз еленіп «Қазақстанның Құрметті жазушысы» атағына ие болуыңызбен құттықтаймын!
Еңбегіңіз еселенсін ел үшін,
Қуанамыз өзіңізбен біз бүгін.
Шықсын ылғи алдыңыздан ізгі күн,
Әлі талай қызықтарға кенеліп.
Бұл өмірдің көріңіз тек жеңісін.
Алғы күннен күтер әркім жақсы үміт,
Келе берсін Сізге ылғи бақ күліп.
Шаттықпенен көріп таңның арайын,
Жаратушы төксін игі жақсылық.
Қаламыңыз қарымды, ойыңыз орамды, елдің есінде жүретін шығармаларыңыз мол болғай. Сізге зор денсаулық, ырыс-береке, балаларыңыздың қуанышына ортақтасып жүре беріңіз. Алға қойған ізгі мақсаттарыңызға жете беруіңізге тілектеспін. Тәуелсіз еліміздің жарқын келешегі және елдің өсіп-өркендеуі үшін атқарып келе жатқан игі істеріңізге нұр жаусын.
Еліміздегі ауқымды шараларды жүзеге асырудағы қажырлы қызметтеріңіз қашан да табысты, отбасыңыз аман болсын! Дүниенің барша шапағатын – ізгілік-ырыс, баянды бақыт, сәттілік, ынтымақ пен бірлік тілеймін!
Өзіңізді қадірлеуші ініңіз, Құдайберген Есекей.
