Доллар бағасы қайта көтерілді
istockphoto.comҚазақстан қор биржасындағы (KASE) күндізгі сауда қорытындысы бойынша доллардың орташа алынған бағамы 448,94 теңгені құрады. Бұл алдыңғы сауда күніндегі көрсеткіштен 1,73 теңгеге жоғары, деп хабарлайды turkystan.kz.
Қазақстан Ұлттық банкінің 8 қазанға белгілеген ресми доллар бағамы 447,14 теңгені құрайды.
Kurs.kz сайтының мәліметінше, қазіргі уақытта Алматыдағы айырбастау пункттерінде долларды сатып алудың орташа бағамы 450,25 теңге, сату бағамы – 452,48 теңге. Астана айырбастау пункттерінде долларды орта есеппен 447 теңгеден сатып алып, 454 теңгеден сатуда. Шымкентте долларды орта есеппен 449,74 теңгеден сатып алып, 451,3 теңгеден сатуда.
Еске салайық, 28 қыркүйектегі күндізгі сауда қорытындысы бойынша доллардың орташа алынған бағамы 0,23 теңгеге төмендеді. 29 қыркүйекте 1,83 теңгеге төмендесе, 30 қыркүйекте 1,59 теңгеге өсті. 1 қазанда доллар бағамы 1,42 теңгеге, 2 қазанда 5,47 теңгеге, 5 қазанда 6,62 теңгеге өсті. 6 қазанда бағам 1,71 теңгеге, ал 7 қазанда 5,6 теңгеге төмендеді.
