Елімізде сұйытылған газ қымбаттауы мүмкін
Қаңтарда елде сұйытылған газға 180 күнге шекті баға бекітілген еді. Тақауда мораторийдің мерзімі бітеді, деп хабарлайды «Хабар 24».Шілдеден бастап газ қымбаттауы мүмкін. Баға көп болса 20 процентке өседі. Мұны мәжілістегі үкімет сағатында энергетика министрі айтты. Қазір Болат Ақшолақов басқаратын ведомствода бағаны реттеу мүмкіндігі жоқ. Сондықтан алдағы уақытта заңға өзгеріс енгізіліп, министрліктің құзіреті кеңейтілуі мүмкін. Тағы бір жаңалық, 2025 жылға қарай елде газ тапшы болуы кәдік. Осы орайда солтүстік пен шығыс өңірге көгілдір отын қайтіп жеткізіледі деген сұрақ туындайды. Министр «аталған аймақтарға газды Ресейден тартуға болады» деді. Себебі ел ішіндегі газ бәріне бірдей жете бермейді. Өндіріс көлемі шектелген. Сонымен теріскей мен шығысқа магистраль 2 жылда тартылады. Ал, көгілдір отынды елдімекендерге дейін жеткізу үшін 5 жылдан артық уақыт керек.
