Теміржол саласы қызметкерлерімен кездесу
Конституциялық түзетулерге байланысты ақпараттық-түсіндіру жұмыстары жалғасуда. Осы мақсатта ҚР Парламенті Мәжілісінің депутаты, республикалық партия штабының мүшесі Геннадий Шиповских Қазалы пайдалану вагон депосының мәжіліс залында теміржол саласы қызметкерлерімен кезекті кездесуін өткізді.Штаб мүшесі ұжымға елеулі кезеңнің маңыздылығын атап өтіп, Конституциялық баптарға енгізілетін негізгі өзгерістерге тоқталып өтті. Сонымен бірге, референдумды қолдап, белсенді болуға шақырды.
«Президентіміз ұсынған оң өзгерістер мен реформалардың іске асуына, Жаңа Қазақстанның қалыптасуына үлес қосу – әрқайсымыздың негізгі азаматтық борышымыз. Баршаңызды өз азаматтық ұстанымдарыңызды білдіру мақсатында Референдумға бір кісідей қатысуға шақырамын». - деп түйіндеді Г.Шиповских.
Мұнан соң, мәжіліс депутаты зауыт жұмысшыларына рефрендумды қолдау мақсатында ақпараттық түсініндіру жұмыстарын жүргізді.
Қазалы локомотив жөндеу зауытында өткен жиында штаб мүшесі Президенттің өкілеттігі, Парламенттің құзіреті, атқарушы органдарына күшейтілетін бақылау мен партиялар арасындағы бәсекелестік жайлы тармақтарына кеңірек тоқталып, сала мамандарының ой-пікірлерін тыңдады.
#ReferendumAMANAT
