Аудан кәсіпкерлері мен ЖК «Игіліков» балық зауыты жұмысшылары алдағы референдумға бір кісідей атсалысып, ел болашағының жарқын болуы үшін дауыс береді. Сонымен қатар, олар Ата Заңымызға енгізілетін өзгерістер мен толықтыруларды толықтай қолдайды.
Бұл туралы ҚР Парламенті Мәжілісі депутаты, «AMANAT» париясының республикалық штаб мүшесі Ғалым Әміреевпен балық зауытында өткен жиында сөз болды.

Ғалым Махмұтбайұлы ең әуелі балық зауытының жұмысымен танысып, мұнан соң жиыналғандарға Ата заңымызға енгізілетін өзгерістер мен толықтырулар туралы кеңінен әңгімелеп берді.

Өз кезегінде сөз алған жиын қатысушалары алдағы референдум жөнінде және кәсіпкерлік тақырыбында сауалдарын қойып, ұсыныс-тілектерін айтты. Осы ретте, мәжіліс депутаты қойылған сауалдарға жауап беріп, 5 маусым күні дауыс беруге шақырып, жиынды қорытындылады.

#ReferendumAMANAT