Мәжіліс депутаты Ақсуат халқын референдумды қолдауға шақырды
Аудан орталығынан шалғай орналасқан Ақсуат ауылының тұрғындары референдумды бірауыздан қолдайды. Олар маусымның 5-інде өтетін саяси науқанда өз азаматтық ұстанымдарын білдіріп, дауыс беретіндіктерін жеткізді.Бүгін осы және өзге де өзекті мәселелер ҚР Парламенті Мәжілісі депутаты, «AMANAT» париясының республикалық штабының мүшесі Балаим Туғанбайқызының Ақсуат ауылы тұрғындарымен кездесуінде сөз болды.
Кездесудің мақсаты - конституциялық түзетулер жобасын жергілікті тұрғындар арасында түсіндіру және референдумды қолдауға шақыру. Сондай-ақ олардың ұсыныс-пікірлерін тыңдап, талқылау.
Жалпы жиында ауыл тұрғындарына саяси ахуалға жаңа дем беретін Конституциялық референдум туралы кеңінен түсінік беріліп, жергілікті тұрғындар сұрақтарын қойып, түрлі тақырыпта ұысыныс-пікірлерін ашық жеткізді.
Сонымен бірге ауыл тұрғындары өз ықыластарын білдіріп, жалпыұлттық референдум өткізу бастамасын қолдайтынын және Жаңа Қазақстанды құру жолында мемлекетке үлкен сенім артатынын тілге тиек етті.
#ReferendumAMANAT
