Референдумды қолдау мақсатында кездесу өтті
Биыл мемлекеттік басқару жүйесін өзгертіп, елдегі саяси ахуалға жаңа дем беретін Конституциялық референдум – жалпыхалықтық деңгейде алғаш өткізілмек.Бүгін осы орайда, аудандық партия филиалы жанынан референдумды қолдауға құрылған штабтың төрағасы Нұрғиса Жалғасбаев және штаб мүшесі Нұрлан Имандосов референдумның маңыздылығын түсіндіру бойынша «РЗА-Агро» ЖШС қызметкерлерімен және «Ғ.Мұратбаев» бастауыш партия ұйымы мүшелерімен кездесу өткізді.
Жиын барысында штаб өкілдері референдум өткізу - саяси дамудың келесі кезеңі екендігін, референдум арқылы мемлекет пен қоғамның өзара іс-қимылының жаңа жүйесіне көшу жүзеге асырылатындығын атап өтті.
Сондай-ақ, жиын барысында қатысушыларға елге оң өзгеріс әкелуге септігін тигізетін, еліміздің Ата заңы - Конституцияға енгізіліп жатқан түзетулерді қолдап, маңызды күні науқанға белсенді қатысуға шақырды.
"ҚАЗАЛЫ"ақпарат
