Жаңа Қазақстанды құрудағы жоғары белсенділік
ҚР Парламент Мәжілісінің депутаттары, «AMANAT» партиясы жанынан құрылған республикалық штабтың мүшелері Бақытбек Смағұл және Геннадий Шиповских келесі кездесуді Құмжиек ауылдық округі, Қ.Пірімов ауылында жалғастырды. Кездесуге республикалық шатб өкілдерімен бірге аудан әкімінің орынбасары Күнтілес Назымбеков және аудандық партия филиалының Атқарушы хатшысы, аудандық партия филиалы жанындағы штаб төрағасы Нұрғиса Жалғасбаев қатысты.Жиында ел үшін айтулы кезең референдум өткізудің маңыздылығы мен конституциядағы өзгерістер туралы сөз болды.
«Алдағы уақытта өзгертілгелі тұрған елімізің ең маңызды құжаты, яғни Ата заңымыз халық үшін жұмыс істеу керек. Осы орайда Конституцияның 30% -на өзгеріс енгізілгелі тұр. Бұл еліміздің болашағы үшін өте маңызды дүние. Баршаңызды 5 маусым күні дауыс беруге шақырамын» - деді республикалық штабтың мүшесі Геннадий Шиповских.
Сонымен қатар, штаб мүшелері ауыл тұрғындары тарапынан айтылған қазақ тілінің мәртебесі, баға тұрақсыздығы, ауданға үлкен көлемді жұмыс көзін ашу сынды ұсыныстары мен сауалдарын тыңдады.
Мәжіліс депутаттары қойылған сауалдарға тиісінше жауап беріп, ұсыныстарды қабылдап, ауыл азаматтарын Президентіміз ұсынған оң өзгерістер мен реформалардың іске асуына және жалпыұлттық референдумды қолдауға шақырды.
#ReferendumAMANAT
