Жақсы іс жан жадыратты
«100 жаңа оқулық» бастамасы ешбір елде көтерілмеген. Әлемге танымал туындылар тікелей қазақ тіліне аударылғаны – Қазақстанның интеллектуалды әлеуетін байқатады. Жобаның ұтымды тұстары өте көп. Осы үздік оқулықтар арқылы кәсіби мамандар тәрбиеленіп шығады. Бұрын орта арнаулы және жоғары оқу орындарында жастар оқулық тапшылығын қатты сезінген. Бұған қоса, елімізде аударылып жатқан шығармалар әлемнің маңдайалды оқу ордаларында кеңінен оқытылады екен. Ал бізде оларды тегін оқи аласың және қолжетімді болмақ.Бұл жобаны Елбасының Қазақстан жастарына, жалпы оқырман қауымға жасаған сыйы деуге негіз бар. Алдағы уақытта аудан кітапханаларынан сол оқулықтарды көріп, оқимыз деп үміттенеміз. Ал жастардың интернеттен электронды нұсқасын оқуына мүмкіндік жасалып отыр.
Зейнегүл ЖҮСІПОВА,
Қ.Сәтбаев атындағы №216 орта
мектебінің директоры
