Еліміздің кей жерлерінде жел күшейіп, шаңды дауыл соғады
Республиканың батысында, солтүстік-батысында және оңтүстігінде ауа райы жауын-шашынды болады. "Қазгидромет" орталығы 10 мамырға арналған ауа райы боджамын жариялады, деп хабарлайды Экспресс К.
Күндіз Алматы облысының батысында, оңтүстігінде және таулы аймақтарында күн күркіреп, желдің екпіні секундына 15-20 метрге күшейеді.
Күндіз Маңғыстау облысының солтүстік-шығысында найзағай ойнап, облыстың батысында тұман түсуі ықтимал. Облыстың оңтүстігі мен солтүстік-шығысында шаңды дауыл соғады.
Ақмола облысының оңтүстігі мен батысында найзағай ойнап, шаңды дауыл соғады. Облыстың оңтүстігінде және батысында жел екпіні секундына 15-20 метрге жетеді.
Батыс Қазақстан облысының солтүстігі мен шығысында күн күркіреп, бұршақ жауады. Өңірдің оңтүстігінде желдің екпіні секундына 15-20 метрге күшейеді.
Түркістан облысының кей жерлерінде найзағай ойнап, дауыл тұрады. Облыстың таулы аудандарында бұршақ жауып, солтүстігінде шаңды дауыл соғуы ықтимал. Облыстың басым бөлігінде жел секундына 17-22 метрге жетеді.
Атырау облысының оңтүстігі мен шығысында найзағай ойнап, бұршақ жауады. Өңірдің батысында, орталығы мен шығысында жел екпіні секундына 15-20 метрге күшейеді.
Күндіз Павлодар облысының басым бөлігінде, Шығыс Қазақстан облысының батысында жел секундына 15-20 метрге жетеді. Қызылорда облысының солтүстігінде, орталығы мен шығысында күн күркірейді.
Күндіз Жамбыл облысының оңтүстігінде, солтүстігінде найзағай ойнап, бұршақ жауады. Облыста шаңды дауыл тұрып, оңтүстік-батысында, солтүстік-шығысында және таулы аймақтарда жел секундына 15-20 метрге күшейеді.
Түнде Қостанай облысының басым бөлігінде найзағай ойнап, бұршақ жаууы ықтимал. Жел екпіні секундына 15-20 метрге жетеді. Ақтөбе облысының оңтүстігінде күн күркіреп, облыстың орталығы мен оңтүстігінде жел екпіні 15-20 метрге дейін күшейеді.
