Алматы облысының шығысында желдің жылдамдығы секундына 15-20 метрге жетеді. Облыстың оңтүстігі мен орталығында тұман түседі. Жамбыл облысының солтүстігінде, таулы аймақтарында тұман түсіп, облыстың оңтүстік-батысында және солтүстік-батысында жел екпіні секундына 15-23 метрге дейін жетеді.

Маңғыстау облысының оңтүстігі мен солтүстігінде желдің күші секундына 15-20 метрге жетеді. Түнде және таңертең облыста тұман түседі. Күндіз Ақтөбе облысының оңтүстік-батысында, орталығында жел секундына 15-20 метр жылдамдықпен соғады. Қостанай, Солтүстік Қазақстан облыстарының оңтүстігінде, Шығыс Қазақстан облысының солтүстігінде және шығысында тұман түседі.

Ақмола облысының оңтүстігі мен батысында — тұман түсіп, жел секундына 15-20 метрге күшейеді. Батыс Қазақстан облысының солтүстігінде және оңтүстік-батысында тұман түсіп, көктайғақ болады.

Атырау облысының солтүстігінде тұман түсіп, көктайғақ болады. Облыстың шығысында жел жылдамдығы секундына 15-20 метрге жетеді. Түркістан облысының таулы өңірлерінде найзағай ойнап, жел екпіні секундына 17-22 метрге дейін күшейеді.

Жамбыл облысының солтүстігінде және таулы аймақтарында тұман түсуі ықтимал. Облыстың оңтүстік-батысында, солтүстік-батысында жел екпіні секундына 15-23 метрге күшейеді.