Қазалы қаласы газ желісіне қосылды
Партияның сайлауалды бағдарламасында азаматтарымыздың әл-ауқатын арттыру бойынша шаралар барынша қамтылған. Сайлауалды бағдарламаны іске асыру жөніндегі Қазалы ауданы бойынша Жол картасының көшбасында Қазалы қаласына көгілдір отын тарту бастамасы көзделген болатын.Осы орайда аталған нысанның құрылыс жұмыстары толықтай аяқталып, бүгін Қазалы қаласы газ желісіне қосылды. Көгілдір отынды қосуға арналған салтанатты шараға ауданға жұмыс сапарымен келген облыс әкімі Нұрлыбек Машбекұлы Нәлібаев қатысты. Аймақ басшысы жиналған тұрғындардың қуанышына ортақтасып, ізгі лебізін білдірді.
"ҚАЗАЛЫ" ақпарат
