Алғыс айту күні атап өтілді
1 наурыз – Тәуелсіз Қазақстанды құру жолында аянбай тер төккен еліміздің барлық азаматтарының бір-біріне құрмет білдіретін hәм тағдыр тоғыстырған, Қазақстанның көпэтносты халқының ортақ тарихын құрметтеу күні. Қазалы қалалық мәдениет үйінде, бұл күні «Алғысымыз шексіз сіздерге» атты салтанатты мерекелік басқосу өтті.Атаулы шарада аудан әкімі Мұхтар Оразбаев тұрғындарды салтанатты мерекемен құттықтады. Кешегі қиын заманда қазақ халқы тағдырдың жазуымен елге келген өзге ұлт өкілдеріне кең құшағын жайып, бауырына тартып, бір үзім нанымен бөлісті.
Мерекенің басты мақсатының бірі – өскелең ұрпақты достық, бір-біріне деген құрмет пен отансүйгіштікке тәрбиелеу, Қазақстанда ұлтаралық келісім мен қарым-қатынасты нығайту болып саналады.
Осы туралы айтқан аудан басшысы бірқатар азаматтарға марапаттар мен сый-сияпаттар табыстады.
Салтанатты жиын одан әрі мерекелік бағдарламаға ұласып, театрландырылған әсем әндер шырқалды.
Серік АҚМЫРЗА
