Nur Otan Саяси кеңесінің отырысы 28 ақпанда өтеді
Nur Otan партиясының атқарушы хатшысы Асхат Оралов Саяси кеңес жиыны өтетін күнді мәлімдеді, деп хабарлайды Zakon.kz. Бұл туралы Асхат Оралов Facebook парақшасында хабарлады.«Бүгін Nur Otan партиясының Саяси кеңесі бюросының қаулысымен 28 ақпанда Саяси кеңестің отырысын өткізу туралы шешім қабылданды. Онда партияның кезектен тыс XXII Съезінің күн тәртібі бекітіледі», – делінген мәлімдемеде.
Сондай-ақ, ол Саяси кеңес бюросының қаулысымен Nur Otan партиясының парламент мәжілісі депутатының бос мандатын партиялық тізім бойынша Саясат Нұрбекке беру туралы шешім қабылданғанын атап өтті.
Еске салсақ, мемлекет басшысы – партия төрағасы Қасым-Жомарт Тоқаевтың шешімі бойынша Nur Otan Съезі 1 наурызда онлайн форматта өтеді.
