"Балалар әртүрлі отбасында туады. бір жерде ата-аналары толық қамтамасыз ете алса, кейбірінде жоқ. Бүгінде кем дегенде 625 мың бала аз қамтылған отбасында тұрады. Бұл – әрбір оныншы бала. Елімізде аз қамтылған отбасыларды қолдаудың бір түрі – атаулы әлеуметтік көмек екені белгілі. Ал оның мөлшері қарапайым нәрселерді алуға жетпейді. Мысалы, адам басына шаққандағы табысы кедейлік шегінен төмен, 6 адамнан тұратын отбасында 7 мың теңгеден сәл артық болуы мүмкін", - деді ол. Оның айтуынша, өңірлерде қандай да бір бағдарламалар туралы, не құқығы бар екендігі туралы білмейтін отбасылар бар. "10-13 жастағы баласы ешқашан мектепке бармаған, ауру болған жағдайда туғаннан бастап ешқандай медициналық тексеруден өтпеген отбасылар бар. Бүгінде 1,1 млн отбасы дағдарыс жағдайында, 12 мың бала қолайсыз жағдайда есепте тұрған отбасыларда", - деп атап өтті депутат.