Тағылымы мол мақала
Биыл Тәуелсіз ел болғанымызға 30 жыл толады. Тәуелсіздік – еліміздің баға жетпес байлығы. Елбасымыз Нұрсұлтан Әбішұлы Назарбаевтың көреген саясатының арқасында жеткен Тәуелсіздіктің 30 жылдық мерекесін барша Қазақстандық тойлайтын болады. Осы мереке қарсаңында Қазақстан Республикасының Тұңғыш Президенті – Елбасы Нұрсұлтан Назарбаевтың «ТӘУЕЛСІЗДІК ТАҒЫЛЫМЫ» атты мақаласы жарық көрді.«Тәуелсіздік тағылымы» деп аталатын мақалада Елбасы өткен күндерді шолып, отыз жылда атқарылған істерге тоқталды. Мақалада еліміздің 30 жылдағы әрбір сәтін баяндаған Елбасы: «Тәуелсіздік мәңгілік болуы керек. Әр қазақстандық алдағы уақытта оның тұғырын нықтап, еңсесін тіктеп, абыройын асыруға қызмет етуге тиіс. «Мәңгілік ел» идеясының түпкі мақсаты осында» - деді. Тәуелсіздік тойы қарсаңында тарту етілген бұл мақала біздің баршамыздың келер күндерге, кемел келешекке сенімімізді арттыра түседі.
Игліков Төребек Жұмабекұлы,
Қазалы аудандық мәслихатындағы «Nur Otan» партиясы депутаттық фракциясының мүшесі
