Тәуелсіздік – ең басты құндылығымыз
Тәуелсіздік – ең алдымен қазақ халқының бостандыққа ұмтылған асқақ армандары мен қайсар рухының жемісі. Тәуелсіздік – тәңірдің біздің ұрпаққа берген үлкен бақыты, халқымыздың мәңгілік құндылығы. Міне, биыл Қазақ елі тәңірі берген Тәуелсіздігінің, арайлы азаттығының отызыншы жылына қадам басқалы отыр. Ата-бабалардың аңсауымен, желтоқсаншы жастардың қайсарлығымен Тәуелсіздік есіктен еніп, жанымызға шаттық сыйлағалы міне 30 жыл, 30 жас. Отыз жылда ел жаңа, еліміз көркейіп, жеріміз жандануда.Ел Тәуелсіздігінің 30 жылдығы қарсаңында, күні кеше Елбасы Нұрсұлтан Әбішұлы Назарбаевтың «Тәуелсіздік тағылымы» атты мақаласы жарияланды. Онда ұлт көшбасшысы тәуелсіздігіміздің отыз жылдығы қарсаңында тәуелсіздіктен тағылым алу үшін туған халқымен ой бөліскен. Саяси оқиғаларды рет-ретімен баяндалған мазмұны бай мақалада еліміздің 30 жылдық тарихы толық баяндалған. Елбасы өз мақаласын өткен күннен алған тәжірибелерді бүгінгі заманның талабына сай әрекет етуге шақыратын батыл қадамдарымен ұштастырған.
Тәуелсіздіктің алғашқы күндерінен бастап біз береке-бірлікке, ынтымаққа, ұлтаралық татулық пен дінаралық келісімге негізделген саясатты жүзеге асырдық. Бұл елімізді үздіксіз өсу мен өркендеуге бастады. Осының қадірін білуіміз керек екенін де Елбасы еске салды.
Тәуелсіздігіміздің 30 жылдық мерейтойы тұғырлы да, баянды болсын! Тәуелсіз Қазақстанның таңы нұрлы, егемен еліміздің ұрпағының еңсесі биік болып, көк аспанда қасиетті көк туымыз мәңгі желбіресін!
Кәдір Ардақ Нартайұлы,
Қазалы аудандық мәслихатындағы
«Nur Otan» партиясы депутаттық фракциясының мүшесі
Қазалы аудандық мәслихатындағы
«Nur Otan» партиясы депутаттық фракциясының мүшесі
