Білім ошағы бой көтерді
Қазалы ауданының орталығы – Әйтеке би кентінде 250 орындық мектептің құрылысы басталды.Дүйсенбі күні аудан әкімі Мұхтар Оразбаев аудандық мәслихат хатшысы Бақытжан Жарылқап, облыстық мәслихат депутаттары Ібайдулла Тілеп, Мінәжадин Өтеев, аудандық ардагерлер кеңесінің төрағасы Оразғали Бекбанов мектептің алғашқы кірпішін қалап, тұрғындарды айтулы қуаныштарымен құттықтады.
Достық көшесінің бойында бұрынғы №170 мектептің орнынан бой көтеріп жатқан білім ордасының құрылысын «SCS Инжиниринг» ЖШС құрылысшылары жүргізуде. Мектеп 2 қабатты. Ғимараттың жалпы аумағы 2712,51 шаршы метрді құрайды.
Қазалы ауданы әкімдігінің баспасөз қызметі
