Қатты жел соғып, көктайғақ, тұман болады.

Синоптиктер Жамбыл, Қостанай, Қызылорда облыстарында дабылды ескерту жариялады, деп хабарлайды Sputnik Қазақстан.

30 наурызда тәулік бойы Қостанай облысының кей жерлерінде бұрқасындатып, көктайғақ, желдің күші 15-20 м/с болады.

30-31 наурызда Қызылорда облысының кей жерлерінде екпіні 23-28 м/с жел соғып, тұман түсуі ықтимал.

30-31 наурыз күндері Жамбыл облысында оңтүстік-батыстан соғатын жел солтүстік-шығыс желіне ауысады, кей жерлерде 15-20 м/с, 30-ы күндіз, 31 наурызда тәулік бойы екпіні 23-28 м/с болады.

Тараз қаласында 30-31 наурызда қатты жел соғады, екпіні 15-20 м/с, кей уақытта 23-28 м/с болады деп болжанып отыр.