Қазалы Қазалы аудандық қоғамдық-саяси газет
» » Министр баланың тілі не себепті орысша шығатынын айтты

Министр баланың тілі не себепті орысша шығатынын айтты

Балаева жыл басында қолға алынған ауқымды жобаны еске алды. Соның аясында танымал TiJi және Nickelodeon шетелдік арналарының өнімдері қазақ тіліне аударыла бастады. Балаларымыз ана тілінде сөйлесін десек, экранымызды түзетуіміз керек. Бұл туралы ақпарат және қоғамдық даму министрі Аида Балаева айтты, деп хабарлайды Sputnik Қазақстан.

"Жасыратыны жоқ, қазір таза қазақ тілді отбасыларда кішкентай бүлдіршіндердің тілі орысша шығып жатыр. Ол - мультфильмдер салдары. Өкінішке қарай, қазіргі заманда ата-ана ғана емес, экран да тілді қалыптастырады. Ал таза қазақша бастаған бала экраннан орысша мультфильм ықпалымен шүлдірлеп орыс тілінде сөйлеп кетеді", - деді Балаева орталық коммуникациялар қызметінде өткен онлайн брифингте.
Осы орайда министр жыл басында қолға алынған ауқымды жобаны еске алды. Соның аясында танымал TiJi және Nickelodeon шетелдік арналарының өнімдері қазақ тіліне аударыла бастады."Біз олармен келіссөз өткізіп, қазір "Қазақфильм" базасында аудармаға кірісіп кеттік. 800 сағаттық мультфильмдер қазақ тіліне аударылады. Ол жұмыс жылдың аяғында бітеді. Бұл дегеніміз, TiJi мен Nickelodeon-ның мультфильмдері қазақша сөйлейді. Өте маңызды бастама", - деп атап көрсетті Балаева.
Министр аудармаға кететін ақшаға да тоқталды. Оның айтуынша, біраз қаржы үнемделіп отыр. "Мысалы, барлық бүлдіршін сүйіп көретін "Маша и Медведь" мультфильмінің бір маусымын шығару үшін 2 миллиард теңге жұмсайды екен. Ал ол екі-ақ сағат. Біз болсақ, танымал мультарналардың 800 сағаттық өнімін төрт есе арзанға жасап отырмыз. Балаларымыз ана тілінде сөйлесін десек, экранымызды түзетуіміз керек қой", - дейді Балаева.
Ал өзімізде сапалы өнім жасау үшін қыруар қаржы қажет. Оған қоса, біраз уақыт керек. Сол себепті әзірше танымал арналардың өнімін қазақ тіліне аударуға шешім қабылданды.
21 қазан 2021 ж. 108 0

Бүгінгi жаңалықтар

Ұрпаққа аманат

01 желтоқсан 2021 ж. 82

Азаттық аспаны

01 желтоқсан 2021 ж. 104

Көк мешіттің керегесі кеңеюде

01 желтоқсан 2021 ж. 141

Құт қонған қазақы үй

01 желтоқсан 2021 ж. 32

Су басу қаупі жоқ

01 желтоқсан 2021 ж. 50

Қалада қарқынды қадам бар

01 желтоқсан 2021 ж. 52

Атажұртқа ағылған жұрт

01 желтоқсан 2021 ж. 51

Руханият

Құт қонған қазақы үй

Құт қонған қазақы үй

01 желтоқсан 2021 ж.
Білім жиған бойына

Білім жиған бойына

20 қараша 2021 ж.
Айт ата ардақталды

Айт ата ардақталды

20 қараша 2021 ж.

Жаңалықтар мұрағаты

«    Желтоқсан 2021    »
ДсСсСрБсЖмСбЖс
 12345
6789101112
13141516171819
20212223242526
2728293031 
  • Қытайда екі миллиардтан астам вакцина салынды