Аида Балаева ақпарат және қоғамдық даму саласының қызметкерлерін марапаттады
Аида Балаева Тәуелсіздік күні мерекесінің қарсаңында ақпарат және қоғамдық даму саласының қызметкерлерін марапаттады, деп хабарлайды Egemen.kz.2020 жылдың 15 желтоқсанында Ақпарат және қоғамдық даму министрлігінде медиа саласының және азаматтық қоғамның өкілдеріне мемлекеттік наградаларды салтанатты түрде табыстау рәсімі өтті.
Министр Аида Балаева әріптестерді Қазақстанның Тәуелсіздігі күнімен құттықтап, қалтқысыз қызметтері үшін алғысын білдірді.
Қазақстан Республикасының Тәуелсіздігі күні мерекесіне орай ақпарат және қоғамдық даму министрі Аида Балаева келесі мемлекеттік наградаларды табыс етті.
«Құрмет» ордені Халықаралық «Казинформ» ақпараттық агенттігі» АҚ бас директорының кеңесшісі Қаламқас Абуоваға берілді.
«Ерен еңбегі үшін» медалі берілді:
«Ұлттық волонтерлік желі» ЗТБ атқарушы директоры Татьяна Миронюк;
«Хабар 24» арнасының шеф-редакторы Шалқар Қожаев.
Сонымен қатар министр еңбегімен ерекшеленген Министрліктің бірқатар қызметкерлеріне құрмет грамоталары мен алғыс хаттарды табыстады.
