Қазақстанда Pfizer вакцинасын алу ережесі бекітілді
Жүкті әйелдер мен бала емізетін аналар, сондай-ақ 12 жастан асқан жасөспірімдер Pfizer вакцинасын салғыза алады. Қазақстанның бас мемлекеттік санитар дәрігері елде Pfizer препаратымен вакциналау ережесі бекітілген қаулы қабылдады.Осылайша коронавирусқа қарсы Pfizer вакцинасын салдыратындар қатарына мына адамдар кіреді:
12 жастағы және одан ересек жасөспірімдер;
жүкті әйелдер – жүктіліктің 16-37 аптасы аралығында;
бала емізетін әйелдер – бала туу кезеңі аяқталғаннан кейін (42 күн өткен соң).
Вакциналау жүргізер алдында коронавирусты инфекция жұқтырғанын және коронавирусқа қарсы аниденелер бар-жоғын анықтау жүргізілмейді.
