"Халықты коронавирусқа қарсы вакциналау жүргізіліп жатыр. Бүгінде вакцинация жоспары қайта қаралды, екпе салдырғандар саны 11,4 миллион адамға жетті. Бірінші компонентті 8 миллион адам салдырып, тұрғындарды қамту 70,7 пайыз немесе жалпы халықтың 42,7 пайызы, екінші компонентті 7,1 миллион адам салдырды, бұл тұрғындарды қамту бойынша 63 пайызы немесе жалпы халықтың 38 пайызы", - деді Цой Үкімет отырысында.

Еске салайық, бұған дейін премьер-министрдің орынбасары Ералы Тоғжанов вакцинацияға қатысты тапсырмалар орындалмай жатқанын айтып, шенеуніктерді жазалауды ұсынған болатын. Оның айтуынша, жыл басынан бері Нұр-Сұлтан, Маңғыстау, Қостанай облыстарында жоспардың 10-15 пайызы ғана орындалған.