СOVID-19: 11 млн-нан астам қазақстандық вакцина алған
Бұл туралы бүгін өткен Үкімет отырысында Денсаулық сақтау министрі Алексей Цой хабарлады.Сондай-ақ ол коронавирус инфекциясына қарсы халықты вакцинациялау науқанының жалғасып жатқанын алға тартты.Вакцинациялау жоспарын қайта қарастырдық. Бүгінгі таңда 11,4 млн адам вакцина салдырды. Атап айтқанда, І компонентті 8 млн-нан астам адам алған. Бұл тиісті халықтың 70,7%-ын немесе халық санының 42,7%-ын құрады. Екінші компонентпен 7,1 млн-нан астам адам, яғни тиісті халықтың 63%-ы немесе халық санының 38%-ы қамтылды, - деп атап өтті Денсаулық сақтау министрі.
Еске сала кетейік, бұған дейін министр елімізде аурушаңдық деңгейі қаншалықты төмендегені туралы жазған болатынбыз. Ал алты өңір: Жамбыл, Қызылорда, Маңғыстау, Түркістан, Ақтөбе облыстары мен Шымкент қаласы «жасыл» аймақта. «Қызыл» аймақта әлі алты өңір тұр. Олар: Нұр-Сұлтан, Алматы қалалары, Ақмола, Қостанай, Павлодар және Солтүстік Қазақстан облыстары.
#Цой # министр # ДСМ # Үкімет отырысы # коронавирус # вакцинация # иммунда
