Енді түнгі клубтарға баруға болады
Елімізде эпидемиологиялық жағдайдың тұрақтанып, халықтың 70 пайыздан астамы вакцина алды. Осыған орай 20 қазаннан бастап карантин шектеулері жеңілдейді, деп хабарлайды Express Qazaqstan.
Денсаулық сақтау министрі Алесей Цойдың айтуынша, 20 қазанынан бастап келесі жеңілдіктер қарастырылған:
— Қарттар мен мүгедектер үйі, балалар үйі сияқты медициналық-әлеуметтік объектілердің пациенттеріне баруға рұқсат беріледі. Ол үшін келушілер COVID-19-ға қарсы вакциналаудың толық курсын алғаны туралы құжат немесе ПТР анықтама ұсынуы қажет.
— Түнгі клубтар 50 пайызға жұмыс істей алады. Алайда оған тек "жасыл" мәртебесі бар адамдар кіре алады. Сондай-ақ "жасыл аймақта" 100 адамнан, "сары аймақта" 70 адамнан және "қызыл аймақта" 50 адамнан артық кіруге болмайды.
— Ashyq жобасындағы бизнес объектілердің жұмыс уақыты ұзарды. Енді "жасыл аймақтағылар" сағат 03-00-ге дейін, Ashyq жобасының көшбасшылары сағат 05-00-ге дейін жұмыс істей алады. Ал "сары аймақтағы" бизнестің қызмет уақыты сағат 01-00-ге дейін, Ashyq жобасының көшбасшыларының сағаты 03-00-ге дейін ұзартылады.
