Жаңа жоба игілігі мол
Қоғамда қазір жастар арасында кітаптің рөлі әлсіреп, орнын әлеуметтік желілер басуда. Бұл болашақ ұрпақ үшін қауіпті. Осы тұста мемлекет басшысының тапсырмасымен «Оқуға құштар мектеп – оқуға құштар ұлт» жобасы 2020 жылдың қазан айынан бастап, әр өңірлерде жүзеге асып келеді.Ғани Мұратбаев атындағы №17 орта мектебінің кітапханасы осы жоба аясында іс-шараларды қолға алды. Мектеп жасындағы балалардың кітап оқуға деген құштарлығын оятып, оқушы, мұғалім, ата-аналарды кітапханамен байланыстыруды мақсат тұтқан шарада сабақтан тыс 20 минут уақыт кітап оқуға арналады. Әртүрлі тақырыптағы кітаптарды қолға алған жас оқырмандар бір-бірімен ақпарат алмасып, білімдерін толықтырады.
«Оқуға құштар мектеп» жобасы игілігі мен тиімділігін сондай-ақ №17 орта мектеп ұжымы ұстаздары да кеңінен қолдануда.
Аяжан ЕСЕНЖОЛОВА,
Ғ.Мұратбаев атындағы №17 мектеп
