Алдағы үш күнде Қазақстандағы ауа-райы қандай болады
Қазгидромет мамандары Қазақстан бойынша 2021 жылдың 16-18 қазанына арналған ауа-райы болжамымен бөлісті, деп хабарлайды zakon.kz.Ауқымды антициклон Қазақстан аумағына өз ықпалын тигізуін жалғастыруда — бүкіл республика бойынша құрғақ, жылы ауа-райы қалыптасады.
Елдің батыс бөлігінде ғана циклон шұңқырының әсерінен жаңбыр жауады деп болжануда.
Еліміздің батысы мен оңтүстігінде болса желдің күшеюі, шаңды дауыл болады деп күтілуде.
Күндіз республиканың батысында, солтүстік-батысында ауа температурасының негізгі фоны 12....22 жылуды, республиканың солтүстігінде, шығысында және орталығында 13...20 жылулықты, елдің оңтүстігінде, оңтүстік-шығысында 13....23 жылуды құрайды.
