Жолаушылар пойыздарында әйелдер вагоны ашылды
10 қазаннан бастап «Жолаушылар тасымалы» АҚ әйел адамдар үшін жол жүру құжаттарын (билеттерді) ресімдеу бойынша жаңа қызметті іске қосты, деп хабарлайды inbusiness.kz компанияның баспасөз қызметіне сілтеме жасап.№77/78 «Алматы – Маңғыстау» және №351/352 «Алматы-1 - Өскемен» жолаушылар пойыздарында бір купе вагоны әйелдерге арналады. BILET.RAILWAYS.KZ сайтында немесе «Жолаушылар тасымалы» АҚ билет кассаларында темір жол билеттерін рәсімдеу кезінде «ЖН» (әйелдер) белгісі болған жағдайда бұл вагон тек қана әйелдерге арналғандығын білдіреді. 7 жасқа дейінгі ұл балаға билет алуға болады. Ал ер адамдар билет сатып аларда мұқият болуы керек. 10 қазанда әйелдер вагонына 92 жолаушының жол жүру құжаты (билеттерін) рәсімделді. Осы қызметке сұраныс болған жағдайда компания Қазақстан ішіндегі маршруттардың ауқымын кеңейтуге дайын.
