Елімізде терроризм және экстремизм төңірегінде тіркелген құқықбұзушылықтар саны бірден 20%-ға артты.

Сарапшылар 2021 жылдың қаңтар-шілде айларында елде 139 құқықбұзушылық тіркелгенін атап өтті. 2020 жылдың ұқсас кезеңінде елімізде осындай 116 құқықбұзушылық тіркелді.

«Өңірлік бөліністе экстремизм мен терроризмге байланысты құқықбұзушылықтардың басым бөлігі Түркістан облысында тіркелді», деп хабарлайды сарапшылар.

Сондай-ақ, үштікке Жамбыл облысы мен Шымкент қаласы да кірді. Бұл өңірлерде жыл сайын 16 құқық бұзушылық тіркеледі.

Ағымдағы жылы ең аз құқықбұзушылықтар Шығыс Қазақстан мен Қостанай облыстарында тіркелді.

Негізінен, мұндай келеңсіздіктің көбі әлеумет, ұлт, ру, нәсіл, тап немесе дін айналасындағы алауыздықты қоздырумен байланысты. Биыл өткен жылдағыдай 48 жағдай тіркелді.

Бұдан басқа, құқықбұзушылықтардың «танымал» түрлерінің арасында терроризмді насихаттау немесе терроризм актісін жасауға шақыру, сондай-ақ олардың экстремизмді немесе терроризмді жүзеге асыруына байланысты қызметіне тыйым салу немесе жою туралы сот шешімінен кейін қоғамдық немесе діни бірлестіктің не өзге де ұйымның қызметін ұйымдастыру және оған қатысу атап өтілді.

Бейбітсүйгіштік рейтингісінде Қазақстан 163 елдің ішінде 67-орынды иеленді. Ел индексі 1,94 құрады. Мұндағы индекс неғұрлым жоғары болса, ел соғұрлым бейбіт деп саналады.

Бейбітшілік индексі соғыстардың болуын немесе болмауын ғана емес, сонымен бірге зорлық-зомбылықтың болмауын, олардан қорқу деңгейін, қауіпсіздікті, жалғасып жатқан қақтығыстар мен милитаризацияны да ескереді.

«Рейтингте ТМД елдері арасында Молдова бейбітсүйгіш және қауіпсіз болып шықты. Қырғызстан, Өзбекстан, Армения, Тәжікстан, Түрікменстан, Беларусь, Әзірбайжан, Украина және Ресей сияқты елдер Қазақстаннан төмен болды», деп нақтылады зерттеушілер.

Исландия, Жаңа Зеландия және Дания аталған рейтингте көш бастаса, Ауғанстан соңында қалды.