"Өкінішке қарай, аурудың күн сайын өсіп жатқанына қарамастан карантин режимін бұзу күн сайын тіркеліп жатыр. Маусымдағы 1,8 пайыз құқықбұзушылық көрсеткіші, тамызда 3,5 пайызға дейін артты. Әрине, жергілікті атқарушы органдар қосымша шаралар қолданады.

Мысалы, Шығыс Қазақстан облысында ірі мейрамханалар маңына полиция бекеттері қойылады. Осыған ұқсас іс-шаралар Алматыда да қабылданды. Түнгі клубтар маңына жергілікті атқарушы органдар іс-шара өткізуге жол бермеу үшін полиция бекеттерін қояды", - деді Есмағамбетова.

Санэпидбақылау комитетінің басшысы карантинді бұзған тұрғын вирустың таралуына өз үлесін қосатынын айтты.

"Біз вирусты мутацияға итермелейміз. Біз тағы да қазақстандықтарды қазіргі эпидемиологиялық жағдайды ескере отырып, вакцина алуға шақырамыз. Карантин режимін сақтау керек, адам көп орындарға бармауға, той өткізбеуге, тойға қатыспауға шақырамыз. Өйткені, мұндай жиындар коронавирустың пайда болуынан бастап, өршуіне әкеп соғатынын көріп отырмыз", - деп қосты Айжан Есмағамбетова.

Бұған дейін Алматы әкімі Бақытжан Сағынтаев 74 клуб маңына полиция патрульдік көліктері қойылғанын хабарлаған болатын.