Коронавирусты қайта жұқтырудың екі жағдайы тіркелді - Денсаумин
Денсаулық сақтау министрлігі Санитарлық-эпидемиологиялық бақылау комитетінің төрайымы Айжан Есмағамбетова Қазақстанда коронавирусты жұқтырудың қайталанған жағдайлары туралы айтты, - деп хабарлайды Tengrinews.kz."Біздің мәліметтеріміз бойынша, қайталанған екі жағдай тіркелген. Бұл туралы біз бұрын айтқанбыз. Бұл Батыс Қазақстан және Қарағанды облыстарында. Айта кетейік, көбінесе ауру анықталған ПТР тестілері өте ұзақ уақыт аралығында болады және оларды қайта жұқтыру деп қабылдауға болмайды. Зерттеулерден бүгінде ПТР-тестілеу өте сезімтал екенін аңғарып отырмыз, ол геннің сынықтарын, яғни жансыз вирусты ұстап қалуы мүмкін", - деді Есмағамбетова ОКҚ брифингінде.
